نكت جامده طحن 2

من طرف ahmoda الجمعة 28 ديسمبر 2007, 11:07 pm

مره موجه جغرافيا دخل الفصل ووقف تلميذ انا هارسم رسمه وانت تكملها معايا
الموجه رسم دايره الواد رسم خط فى النص ،
الموجه رسم خط يقسم الدايره اربعه الواد رسم له نقطه
الموجه طلع من الفصل سعيد ويقول للمدرس انت مدرس ممتاز وقعد يشكر فى المدرسه
وقال للناظر انا وقفت طالب رسمت له الكره الارضيه رسم لى خط الاستواء رسمتله خط جرينتش رسم لى نقطة مركز الكره الارضيه .
فراح الناظر يسمع للواد فطلع الواد يقول عالموجه ده راجل طماع ده عينه فارغه ,
رسم لى رغيف عيش عالسبوره قلتله انت النص وانا النص قاللى لا انا التلات ارباع وانت الربع قلتله لا بقه دانا هاخلع لك عينك

مرة بنت قالت لامها : هو السمك بياكل سردين؟ قالت ا يوة قالت لها : ازاي بيفتح العلبة؟؟

احد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق

مرة اتنين اصحاب بيقولو لبعض تصدق انا الخدام بتاعى غبى اوى
فالتانى قالوه لا ده انا الخدام بتاعى اغبى
فقالوه الاولانى تعالى نشوف
فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس
فجه التانى نادى الخدام بتاعه وقالوه روح النادى وشوفنى هناك ولا لآ
فراحوا الخدامين و اتقبلو فى السكه
فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان النهارده الحد والمحلات قافلة
فالتانى قاله لا ده انا بشتغل عند واحد اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه

واحد رخم دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الرخم قرش من جيبه ورماه فوق ال( 12) قرش وقال للجرسون كمان واحد فول

واحد تاية بيسال واحد ماشي في الشارع اقرب طريق للمستشفي ايه
قاله غمض عينك و عدي الشارع

نساء العالم اتحدن وقررن ان لا يقومو باى اعمال فى المنزل وبعد اسبوع تجمعو ليعرفوا النتائج الاضراب
فقالت الزوجة الفرنسية "انا قلت لجوزى ميشيل انا مش هعمل حاجة فى البيت الاسبوع دة كلة" وقالت "اول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى يا حبيبتى".
وقالت الزوجة الانجليزية "انا قلت لجوزى انا مش هعمل حاجة خالص فى البيت الاسبوع دة اول يوم مشوفتش حاجة تانى يوم بدا يعمل الاكل تالت يوم عشانى وغدانى برة."
جت المصرية وقالت "انا قلت لابو العيال انا مش هعمل حاجة فى البيت الاسبوع دة" وقالت "اول يوم ماشوفتش حاجة تانى يوم ماشوفتش حاجة تالت يوم بدات اشوف شوية بعينى الشمال."

مرة واحد مسطول رجع البيت وقعد يخبط على مراته ويقول "افتحي ياولية" فلما اتأخرت عليه راح ضرب صفيح الزبالة اللي قدام البيت برجله راحت خبطة في الحيطة ورجعت عورت رجليه، راح خبط تاني وقال "افتحي ياولية" فلما اتأخرت راح خبط الصفيحة تاني راحت رجعت وعورته في بطنة، كرر الموضوع تاني وضرب الصفيحة فطارت ووقعت على دماغة عورته فنادى على مراته قالها "افتحي ياولية الصفيحة هتموتني.."

واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز

مره واحده بتقول لجوزها "تصدق إن أنا كل يوم بحلم بيوم جوازنا
" قالها "هى لسه الكوابيس دى بتجيلك؟"

واحد غبى بيحلق دقنه التليفون رن عور نفسه علشان لما يرجع يعرف هو وقف لحد فين

زوج وزوجة عايشين كل يوم في نكد راح جوزها قال "نخلى يوم الاربعاء بس هو النكد" قالت له "ماشى"، يوم الثلاثاء جوزها راجع من الشغل، وكانت مراته فرحانة قوي، بيسألها "فرحانة قوي كدة ليه؟" ردت و قعدت تغني "بكرة النكد بكرة، بكرة النكد بكرة"

مرة اثنين فشارين بيقول للتانى :أنا مرة قريت الجرنال من وراء ضهرى، التانى قاله :ايه ياعنى تصدق إن أنا قريت كلمة من غير حروف.

واحد واقف امام محل عصير ومعهوش غير 25قرش قال اشرب عصير ولا اركب الاوتوبيس لو ركبت الاوتوبيس يا هقف يا هقعد، لو وقفت مش مشكله لو قعدت هقعد جنب راجل او ست، لو ,راجل مش مشكله لوست يا هتبقي حلوه او وحشه، لو وحشه مش مشكله لوحلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعو عيني، وعلي ايه مشرب عصير احسن.

اتنين محششين بيتفرجو على مطش فالمزيع بيقول "دربكه فى الدفاع، دربكه فى خط الوسط، دربكه فى الهجوم، أوبااااا جوة الجون" فالمحشش قال لزميله "إظاهر ان دربكه
لاعب جامد اوي

واحد ركب مترو الانفاق.. جاله الكمسرى بيقول له تذاكر ... قال له امين شرطه..... سابه وراح للجانبه قال له: تذاكر ... قال له: امين عبد الجواد

اتنين مساطيل طالعين في الأسانسير واحد بيقول التانى "هو الاسانسير بطىء كده ليه؟" قاله "يمكن طالع على السلم"

واحد مسطول راكب تاكسي سأله السائق ممكن تشوف لى الاشارة اليمين شغاله ولا لا! بص من الشباك وقال له شغاله مش شغاله شغاله مش شغاله مش شغاله !!!

أتنين مساطيل حبو يزيفو فلوس , راحوا عاملين فلوس كتير الورقه بـتمنتاشر جنيه , و راحو لواحد صاحبهم و قالو له معاك فكة تمنتاشر جنيه , قال لهم تاخدوهم تسعتين .

مسطول حب يعمل برا ءة اختراع، جاب ضفدعة وقالها "اقفزى" فقفزت فقام بقطع أحد أرجلها الأربعة وقال لها "اقفزى" فقفزت فقام بقطع رجل أخرى وقال لها "اقفزى" فقفزت فقام بقطع الرجل الثالثة وقال لها "اقفزى" فقفزت قفزة صغير فقطع الرجل الأخيرة وقال لها "اقفزى" فلم تقفز فقام بكتابة (ملحوظة : عند قطع أرجل الضفدعة الأربعة، تفقد حاسة السمع)

مرة أغبية سافرو امريكا واحد منهم رجع والتانى مرجعش... فواحد سألة فين صاحبك؟؟؟ قال له ده اول ما راح هناك اتجنن من ناطحات السحاب وطلع عمارة 500 دور ... ورمى نفسة من الدور ال 500 ونزل فى 3 ايام ..... قال له ومات ؟؟؟؟ قال له انت عايزه ينزل فى 3 ايام من غير اكل و لا شرب وما يمتش

مسطول شاف لوحة على محل انترنت مكتوب عليها "الساعة بعشرة جنيه" دخل للمحل وقال "هي ضد الميه"

اتنين مساطيل قاعدين قدام مرايا الاول بيقول لصاحبوا مش واجب برده نقوم نسلم ع الجماعه اللى قاعدين دول قالوا واجب برده ولسه حيقوموا راح التانى قالوا اقعد يا عم اهم جاييين علينا اهم

في مجموعه نمل كل مايعدي الفيل عليهم يكسر بيوتهم فالملك بتاع النمل قال نتجمع في مكان ونعمل اجتماع فاتفقو انهم لما يعدي الفيل ينطو عليه فعدا الفيل عليهم اليوم الي بعده وهما كانو واقفين فوق الشجره فنطو عليه فالفيل حرك زلومته يمين وقع نصهم حركها شمال وقع نصهم التاني ومبقاش غير واحد بس اسمه فوزي فالنمل كله قالوله اخنقه يافووووزي !

مره صرصار طلع من الخلاط قال يخرب بيت إللى يدخل الملاهى تانى

صرصارين في العناية المركزة الاولاني بيسأل التاني بيرسول
قاله لا قبقاب

من هو أوفى حيوان فى العالم؟ نمله مات جوزها الفيل قعدت تدفن فيه طول حياتها

كلب قابل كلب تاني فى الشارع فبيقوله هو فرد عليه الكلب التاني وقاله هوهو
رد عليه الكلب الاول وقاله بقولك اييه ما تغيرش الموضوع

مرة فار راجع بيتهم مسطول فتعب في السكه فنام تحت الرصيف شافته القطه قالت اروح اكله وهى بتعدي ريحاله خبطتها عربيه فماتت جنب الفار ولما الفار صحى ولقي القطه ميته جنبه قال الله يخرب بيت الخمره اللي بتخليني اموت في مخاليق ربنا

حمار بيقول لخطيبته امتى هنتجوز ياحمارة قالت له لما تحسن الفاظك ياحيوان

واحد راح مطعم في فرنسا.كان عايز يطلب شربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه

مره ثلاث نسور بيتراهنوا مين يصطاد أكتر ,النسر الأول راح ورجع فكان منقاره عليه دم فسألوه النسور التانين الدم ده من ايه قالهم شايفين الصخره اللى هناك اصطتدت عندها أرنب,فراح النسر التانى ورجع فكان منقاره عليه دم أكتر فسألوه الدم ده من ايه فقالهم شايفين الشجره اللى هناك اصطتدت عندها غزاله,راح النسر التالت ورجع مليان دم فى كل حته فى جسمه فسألوه الدم ده من ايه قالهم شايفين العمود اللى هناك ده قالوا له اه قالهم انا ماشفتوش