سلبيات المنتدي

ايه رائيكم يا جماعه لو اتكلمنا عن اهم السلبيات اللي موجوده في المنتدي
مش معني اللي انا بقول كده ان المنتدي مش ناجح
انا حاسس ان المنتدي نسبه نجاحه تعدي ال86%
بس احنا هنا علشان نشوف ايه نقاط الضعف ونتكلم فيها
وانا هبدء انا

انا شايف ان المشكله الاولي ان في كثيرمن الاعضاء بيتعمدوا اخفاء هويتهم الحقيقيه عن بقيه الاعضاء
وده طبعا مش مطلوب
اللي مخليني اقول كده اللي انا عن طريق المنتدي تعرفت علي ناس كتير من البلد مكنتش اعرفهم الا شكلا
ودي طبعا حاجه كويسه جدا
واكيد دي حاجه كويسه اننا نتعرف علي بعض
طبعا الكلام ده مش داخل فيه الانسات اللي مشتركات علشان كان اتفاقنا في الاول ان يكون لهم خصوصيتم الكامله ان ارادوا ذلك
انا مش هطول عليكوا بس يا ريت الاعضاء تقرء الموضوع ده وتكتب ايه الحاجات اللي مش عجباهم في المنتدي وايه هي طرق التقليل من السلبيات اللي موجوده

الحمد لله المنتدي مفهوش اي سلبيات
بسم الله ما شاء الله

لا المنتدى فيه سلبيات يا باش مهندس مش المنتدى احنا اللى فينا سلبيات وكل واحد عليه انه يبص لنفسه اما بخصوص التعريف بالنفس فده شىء صعب شوية على الاقل بالنسبة ليه مش خوف بس الاسم ده داخل فيه اتنين اقولك على انهى فيهم

الموضوع جيد جدا احيك يابشمهندس علية كلنا متفقين ان الايجابيات موجودة وبردة السلبيات موجودة ولكن علينا نعرف سلبياتنا قبل اجيابيتنا عشان نقضى عليها
اولا انا شايف ان موضوع اخفاء الهوية مش مشكلة كبيرة لان دى حرية شخصية وممكن لوحبيت تتعرف على شخص انت مش عارفة تبعت لة رسالة على الخاص تتطلب منة دة ويرفض او يوافق دى حريتة الشخصية
لكن فى ناس داخلة باسامى مستعارة ومعرفين نفسهم وشخصيتهم وانا واحد منهم عشان الاسم اللى انا داخل بية بيمثل لى حاجة اعتز بيها وهكذا
اما احدى السلبيات الاخرى اللى انا شايفها هو عدم تقبل الاعضاء لاراء بعض الاعضاء ودة حصل معايا وانا فعلا زعلت عشان حاجة زى دى
مش هعفى نفسى من الغلط انما لو رجعتوا للحوار هتلاقو كلام مش مفروض يتقال وبردة مش ببر نفسى انا بردة غلطان ولكن عدم تقبل احد الاعضاء وردة باسلوب استفزنى دفعنى للرد علية باسلوب هجومى وممكن تراجعو الحوار هو موضوع بتاع عيد الحب
اتمنى ان المشاكل دى نقدر نحتويها بشكل جيد ونقضى عليها
وانشاء الله المنتدى يوصل لافضل مستوياتة
وشكرااااااااااااااااااااااااااااااااااااااااااااااااااااااااا

تعرف الاعضاء عن نفسهم أو عدمه لا يمثل لى أى أهمية على الإطلاق
فأنتم تسمونها خصوصيات وحريات ولكم ما شئتم
ولكن لا اسمح لكم بأن تستثنوا النساء فكما قال صلاح جاهين
البنت زى الولد
وطالما يحفظونها فليكونوا على مستوى الجمله فلا استثناءات
لكنى أرى أن من أهم سلبيات الموقع هو عدم اهتمام اكثر المشرفين بتنمية أبوابكم
وطرق الجذب إليها بالقدر الكافى
ونستطيع ان نستثنى القليل

حمدا لله علي السلامه يا باشمهندس عاش من سمع صوتك يا ريس

احنا تحت النظر يا أحمد با شا
انت معلق فى الصورة ورد أحمر ليه
خليه ورد أبيض
ولا انت قلبت

لنن وولم يحدث ابدددا ما دام في العمر بقيه