كيف نحترم عقول الاخرين؟

اولا لكل اللى هايقراء الموضوع
الموضوع بعيد عن الاهلى والزمالك او بمعنى اخر بعيد عن الانتماءات
والموضوع اعتقد انه مهم ومتشعب
الاكيد ان اى لاعب مشهور هو قدوة للعديد من الشباب واغلب الاطفال والمثال على ذلك
حازم امام وابو تريكه
الاهلى استغنى عن اسلام الشاطر
الزمالك استغنى عن طارق السيد
لحد كده والموضوع طبيعى
اسلام الشاطر ولا خبر واحد نشر عن انه غضبان او متضايق او حتى زعلان بل العكس
ان في خبر واحد قال انه بيشكر النادى علي الفتره اللى قضاها في الاهلى وانتهى الموضوع

طارق السيد من اول يوم ورغم انه كان بيعمل عمره الا انه غضب وزعل وذهل ومش مصدق
ومش قادر يستوعب ان ازاى الزمالك استغنى عنه
ومن يوم نباء الاستغناء عنه وهو بيهدد انه هايفضح الزمالك ويقول اللى بيحصل
وامس نشر خبر على لسانه بيقول فيه انه صلى ركعتين شكر لله على ان الزمالك استغنى عنه
وانه بعد عن نار الزمالك ده طارق السيد اللى.....
1- احد كباتن الفريق
2-تقريبا بقاله 15 سنه في الزمالك
3-جمهور الزمالك سبب من اسباب شهرته
4-في بدايه الموسم الماضى قام بذبح عجل بعد ان وقع عقد لمده 3 سنوات
5-طارق السيد احد اسباب حرق دم الزملكاويه طوال موسمين بسبب سوء مستواه
6-طارق السيد اللاعب الاكثر تسببا في احتساب ضربات جزاء علي الزمالك الموسم الماضى
7-طارق السيد اللى كل الفرق قالت انه اضعف لاعب في الفريق وانهم بيكسبوا الزمالك بسببه
8- طارق السيد اللى في مباراه الاتصالات اشار للجماهير بأنه مش عايز الزمالك تانى
بعد كل ده هو بيشكر ربنا علي انه غادر الزمالك
وانا هنا بشكر ربنا على انه مشى لانه اصبح عاله على الفريق واللى ينكر الجميل لا يستحق اى شئ
وهاقوله مصيرك مصير طارق السعيد اللى انكر 16 سنه فى الزمالك ودلوقتى في كل المناسبات
بيقول انا ابن الاهلى علما انه تقريبا لم يشارك مع الاهلى الا فى 10 مباريات ولمده محدوده

كل ده اضافه الا ان الاعلام يفضل اخبار الزمالك عن اى شء اخر ومش بيحترم عقل الناس لان
نشر خبر زى ده واذا كان مش صحيح معناه كره الجماهير لطارق السيد وكمان هو محترمش عقولنا
لما نشر كلام زى ده ومهموش تاريخه اللى اكيد من صنع ربنا ثم نادى وجماهير الزمالك

زوبعه في فنجان
سرعان ما تختفي ويبقي الاعب الاصيل