القيعي جامد اوي

من طرف **Ibrahim Elsokkary** الإثنين 07 يوليو 2008, 7:05 am

عاجل بالتفاصيل : سعيد يرفض الزمالك ويقترب من الاهلي في سيناريو فاق افلام هيتشكوك

بالنادي الاهلي ان الدولي المصري هاني سعيد قلب دفاع منتخب مصر ونادي الاسماعيلي بات قريبا من الوصول لاتفاق نهائي مع المسئولين بالنادي الاهلي للانتقال الي صفوفه في فترة الانتقالات الصيفية الحالية.

وعلي غرار ما حدث في صفقة نجم وسط بتروجيت "حسين علي" ، فقد تحولت فيما يبدو وجهة اللاعب من نادي الزمالك الي الأهلي المنافس التقليدي للأبيض بعد سيناريو درامي مثير شهدته الساعات يما بين الثانية ظهر الأمس والواحدة صباح اليوم (نعتذر لعدم تمكننا من ذكر كافة التفاصيل حاليا حرصا علي مصلحة الاهلي).

وعلم El-Ahly.com ان سعيد الذي تم الاعلان عن انتقاله رسميا لصفوف الزمالك من قبل الاسماعيلي والذي التقطت له ايضا العديد من الصور من داخل نادي الزمالك بميت عقبة ظهر الامس قد تراجع عن فكرة الانضمام للنادي الابيض في اللحظات الاخيرة بعدما شعر بعدم جدية مسئولي النادي الابيض في وعودهم له اثناء عملية المفاوضات مع الاسماعيلي.

وقرر اللاعب علي اثر ذلك الخروج من داخل نادي الزمالك بدون ان يصل لاتفاق رسمي موقع مع مسئوليه و اعلن بعد ذلك للمقربين تراجعه النهائي عن الانضمام لابناء الزي الابيض.

وفي الوقت ذاته تقاربت وجهات النظر بين اللاعب والاهلي الذي حرص مسئولوه علي التأكد اولا من عدم وجود اية عقود رسمية بين اللاعب وبين الزمالك ليفتح ذلك الطريق من جديد لانضمام هاني سعيد الي الأهلي في انتظار موافقة مسئولو اللجنة المعينة لادارة النادي الاسماعيلي .. حيث يرغب الاهلي ان يتم الامور بشكل رسمي ومحترم كعادته رغم ما فعله مسئولو الاسماعيلي بتجاهل العرض الاحمر لضم ليبرو منتخب مصر واجبارهم له علي الانتقال للزمالك علي عكس رغبته الواضحة والتي كان قد أكدها للمسئولين في الاسماعيلي من قبل.

وقد تحسم الامور في الساعات القليلة القادمة اما بمواقة الاسماعيلي علي انتقال اللاعب للاهلي او بتأجيل ذلك الي يناير المقبل ليكون من حق اللاعب ان ينتقل بعدها لفريقه المنشود بلا مقابل مادي للاسماعيلي ..

سنوافيكم لاحقا بالمزيد من التفاصيل والمفاجآت الصارخة في صفقة قد تكون الأقوي في تاريخ القلعة الحمراء بالنظر الي السيناريو الدرامي لها قبل ان يكون بالنظر الي امكانيات اللاعب نفسه والذي لا يختلف أحد علي انه اضافة كبيرة لأي فريق قد ينتقل اليه

من طرف **sameh ahmed** الإثنين 07 يوليو 2008, 2:09 pm

إذا نجحت هذه الصفقة بالفعل
فستكون صدمة شديدة للمعسكر الأبيض
لن يفيق منها بسهولة

من طرف **karemo elsokkary** الإثنين 07 يوليو 2008, 2:20 pm

ياعينى ياعدلى ياجامد الكلام دة مسبوط فعلا وحصل وكمان اجتمع مع الكابتن محمود الخطيب واتفقوا على كل شى بس فى حاجة حصلت ان النادى الاسماعيلى اوقف هانى سعيد وتغريمة 300 الف جنية ورد فلوس نادى الزمالك لعدم بيع الاعب اى نادى اخر

من طرف **abu rabia** الإثنين 07 يوليو 2008, 2:43 pm

يا ريت يا جماعة الموضوع ده يعلمنا ان العمل في صمت
أحسن وانجح 100 مرة من التهليل والصياح والتراشق بالكلام

القيعي ينجح دائما لأنه يعمل في صمت ويبتعد عن التهليل ويخطط جيدا
وكل شئ يخطط له جيدا لابد له من النجاح .. مبروك لحسين علي وهاني سعيد
انضمامهم الي القلعة الحمراء ... فهم من يستحق التهنئة وليس الأهلي
فالاهلي يرفع اي لاعب ينضم اليه ... في حين ان الاهلي أكبر من ان نهنئه باي لاعب

من طرف **sameh ahmed** الإثنين 07 يوليو 2008, 2:53 pm

شكرا جزيلاً يا باشمهندس
على الروح الرياضية العالية
وبالطبع فإن انضمام أى لاعب
للنادى الأهلي أو لنادى الزمالك
هو طريقه للقمة بعد ذلك
إن استطاع أن يلتزم

وبالنسبة للزمالك
فأكرر
مشكلته فى أبنائه
وليس فى المنافسين

من طرف **karemo elsokkary** الإثنين 07 يوليو 2008, 2:58 pm

فعلا ياجماعة هو دة ابراهيم السكرى اللى انا اعرفة دايما يفاجئنا باخبارة الجامدة زى ماعودنى ولا اية ياهيما

من طرف **gaser11** الإثنين 07 يوليو 2008, 5:56 pm

اولا الخبر هو حديث الشارع المصرى منذ امس
وبالتحديد في الثانيه عشر مساء وصاحب الخبر
هو الكابتن خالد الغندور في مقابله مع برنامج 90 دقيقه
ثانيا حتى الان والساعه هى السابعه الا ربع مساء يوم الاثنين 7/7/2008
لم يخرج فرد واحد من النادى الاهلى ليشير حتى لهذا الخبر
ثالثا موقع يلا كورة وموقع في الجول خرجوا بتصريح للمهندس على يحى رئيس اللجنه المؤقته بالاسماعيلى
والكابتن علي ابو جريشه واللى اكدوا الاتى
ان النادى الاسماعيلى قام بالاستغناء نهائيا عن هانى سعيد لنادى الزمالك
وان نادى الزمالك استلم الاستغناء الخاص باللاعب من منطقه الاسماعيليه موقعا من اللاعب برغبته في اللعب لنادى الزمالك
وان نادى الاسماعيلى لم يصله اى عرض رسمى او غير رسمى من الاهلى يطلب فيه شراء هانى سعيد
واندهش المهندس على يحى وقال كيف نبيع لاعب اصبح حاليا ملك نادى اخر وهو الزمالك خاصه بعد استلام الاسماعيلى مقابل الصفقه من نادى الزمالك واكد ان الاسماعيلى لم ولن يتراجع في الصفقه كما اشير
لان اللاعب رسميا اصبح لاعب في الزمالك
واكد وكيل اللاعب الاستاذ احمد عباس بأن هانى وقع رسميا للزمالك ووجه سؤال
وهو كيف يسلم نادى الزمالك ثمن الصفقه لنادى الاسماعيلى اذا لم يكن هانى موقع علي عقد رسمى؟
ارجو من الاخوة الاعضاء كتابه الاخبار مع ارفاق مصدر الخبر

من طرف **Ibrahim Elsokkary** الإثنين 07 يوليو 2008, 10:03 pm

السياجي لـEl-Ahly.com : الاستغناء بدون عقد موقع من اللاعب لا قيمة له

قال الكابتن محمد السياجي رئيس لجنة شؤون اللاعبين بالاتحاد المصري لكرة القدم في تصريحات خاصة لـEl-Ahly.com أن وجود الاستغناء الخاص بأي لاعب لدى أي ناد بدون وجود عقد موقع من اللاعب لا يمنح النادي الحق لقيد اللاعب في سجلات الاتحاد أو في المنطقة التابع لها مثلما هو الحال في قضية اللاعب هاني سعيد المثارة حالياً مع نادي الزمالك.

وأضاف السياجي أن الاستغناء الموجه الصادر من نادي الاسماعيلي لنادي الزمالك لا بد من أن يكون مدعم بالعقد الثلاثي الموقع مع اللاعب حتى يتم قيده في منطقة الجيزة ومن ثم في سجلات اتحاد الكرة ضمن قائمة نادي الزمالك.

ورفض السياجي التدخل بأي تكهنات في الخطوات المتبعة في مثل هذه الظروف من قبل نادي الزمالك وقال أن كل ما يملكه من معلومات هو الخاص بظروف الاستغناء الموجه الصادر من النادي الاسماعيلي وما غير ذلك فهو لن يتدخل فيه اطلاقاً.

من طرف **Ibrahim Elsokkary** الإثنين 07 يوليو 2008, 10:07 pm

علاء صادق يفجر مفاجأت ناريه تدين الزمالك وتؤكد ضعف موقفه تجاه قيد هاني سعيد

فجر الأعلامي المميز د / علاء صادق مفاجأت من العيار الثقيل والثقيل جدا في برنامجه - هنا القاهره - بشاشة قناة مودرن سبورت مساء اليوم الأثنين .. وذلك بشأن قضية الزمالك وهاني سعيد الذي يرفض الانضمام لصفوف الفريق الأبيض

علاء صادق أوضح المستندات التي تقدم بها الزمالك صباح اليوم لأتحاد الكره , مستندا بها لحقه في قيد هاني سعيد في قائمته للموسم الجديد

المستند الأولي وهو الأستغناء الخاص باللاعب من جانب الأسماعيلي لصالح الزمالك والصادر من منطقة الأسماعيليه .. كانت المفاجأه الكبري والصارخه أنه لا يحتوي علي ختم النادي الأسماعيلي بينما يحوي ختم الزمالك فقط

والمعروف أنه من الضروري حتي يتم أعتماد الأستغناء أن يتواجد ختمي الناديين وألا يعتبر الأستغناء كأن لا قيمة له.

وهو ما حدث في أمر سيد معوض عندما منح الكومي أستغناء اللاعب للأهلي ولكن لم يعتد به لعدم قيام مدير عام النادي الأصفر حينها بختم الأستغناء بالختم الخاص بالأسماعيلي وفشل انضمام معوض حينها في يناير الماضي لصفوف الأهلي

وأوضح علاء صادق عبر الشاشه صورة الأستغناء بدون ختم الأسماعيلي , موضحا ان وجود الختم لاحقا يعني وجود قضية تزوير واضحه تماما ! وفضيحة من العيار الثقيل وتواطؤ كثيرين في الأمر لصالح الزمالك

الأمر الثاني والمفاجأه الصارخه الكبري , هو شيك قدمه الزمالك صباحا لأتحاد الكره به قيمه ماليه الي هاني سعيد نظير أنتقاله لصفوفه الزمالك والشيك بقيمة 600 ألف جنيه تقريبا

ولكن المفاجأه والفضيحه الصارخه أن الشيك كان بتاريخ 16 يونيو ، أي منذ ثلاثة أسابيع. حيث كان اللاعب داخل صفوف معسكر المنتخب .. وقبل حصول الزمالك علي إستغناء اللاعب بأكثر من ثلاثة أسابيع و هو الذي تقدم للإتحاد بتاريخ 6-7 ! وقبل د......... الزمالك في مفاوضات رسميه مع النادي الأسماعيلي بشأن لاعبه

و هو ما يعرض الزمالك - في حالة سريان قوانين الفيفا داخل إتحاد الكره المصري الموقر - لعقوبات غليظه للغايه لأن هذا أثبات لا شك فيه بتفاوض الزمالك مع اللاعب دون علم ناديه قبل أكثر من ستة شهورعلي نهاية عقده مع ناديه ، وقبل الد......... في مفاوضات رسميه مع ناديه أو الحصول من ناديه علي تصريح بذلك

الطريف أن في هذا التاريخ كان رئيس الأسماعيلي هو سعد الجندي ولم يكن المجلس الحالي هو المتواجد وقتها . و قد يتعرض هاني لعقوبة كالزمالك - أن طبقت اللوائح .أيضا الأمر يطرح تساؤل كيف للزمالك أن يهدي شيكا للاعب وهو كان حينها بصفوف معسكر المنتخب , اللهم ألا أذا أجتمع حينها مسئولي الزمالك باللاعب داخل معسكر المنتخب وهو أمر غير مستبعد في ظل وجود حسن شحاته !

الخلاصه .. علاء صادق وضع السياجي في مأزق شديد للغايه بفضح ونشر تلك المستندات التي تدين الزمالك وبشده وتؤكد ضعف موقفه تماما في الأمر .. وتؤكد أن أي قرار يصدر بأحقية الزمالك في اللاعب ستكون فضيحة تاريخيه غير مسبوقه لن يمكن حينها السكوت عليها

ما سبق يؤكد أن الزمالك ليس له حق تماما في اللاعب بل ويجب علي اتحاد الكره عقاب الأخير وفقا لقوانين الاتحاد الدولي - الفيفا - وأيقافه عن قيد اللاعبين فتره معينه وتوقيع عقوبه ماليه مغلظه

من طرف **sameh ahmed** الإثنين 07 يوليو 2008, 10:12 pm

لا تعليق
أكثر من كلمة
فضيحة

وفكرة عقاب الأخير
أعتقد أنه مقصود بها
عقاب الأول ( الزمالك )
وليس الأخير ( اللاعب )

من طرف ahmoda الثلاثاء 08 يوليو 2008, 10:44 am

والله انا ماعارف انتوا ازاي بتتكلموا في موضوع زي ده
انتوا يا جماعه بتساعدوا في الافعال السيئه السمعه التي يسعي اليها الاهلي
يا جماعه ارجوكم فكروا بمنطلق اخير
افترضوا ان اللي حصل ده بين اي فريقين عدا الاهلي والزمالك وشوف هيكون رايك ايه
وبالنسبه للاخ ابو ربيع بيقول هو ده فائده العمل في صمت
هو في خطا املائي بسيط
المفروض تكون العمل في نصب

بامانه ووالله مش علشان انا زملكاوي انا مكسوف ليكوا قوي

ووداعا زمن الكره الجميله

ويا ريت مسمعش كلمه المبادئ والقيم دي تاني خالص

من طرف **abu rabia** الثلاثاء 08 يوليو 2008, 11:19 am

بعد انتهاء برنامج الدكتور علاء صادق بنصف ساعة فقط وفي برنامج الدرجة الثالثة
اتصل أحمد شوبير مقدم البرنامج برئيس نادي الاسماعيلي والذي أكد أن الاستغناء صحيح
وغير مزور وأنه وقعه بنفسه كما وقع عليه هاني سعيد بنفسه وكذلك وقع من نادي الزمالك
وقد اوضح انه بعد توقيعه قام الزمالك بتصويره قبل الختم حفظا لحقه حيث أن أصل الاستغناء
يظل في منطقة الاسماعيلية لكرة القدم واتصل شوبير برئيس منطقة الاسماعيلية الذي أكد وصول
الاستغناء الموجه والمشروط للاعب هاني سعيد موقعا ومختوما من الناديين (الاسماعيلي )و(الزمالك)
وكذلك موقعا من اللاعب وقد تم الاحتفاظ بأصل الاستغناء وإرسال صورة الي منطقة الجيزة التابع لها
النادي الموجه له الاستغناء وقد اتصل شوبير بمسؤول لجنة اللاعبين بمنطقة الجيزة الذي أكد عدم وصول
الصورة المشار اليها حتي الامس .... وقد أوضح رئيس منطقة الاسماعيلية ان أصل الاستغناء الموجه
موجود بالمنطقة لمن أراد التأكد من صحته وصحة أختامه ... كما اكد ان اللاعب لم يعد تابعا
للنادي الاسماعيلي بعد الان ..وان تسجيله بمنطقة الجيزة مسؤولية نادي الزمالك ...ولا دخل للنادي الاسماعيلي
بالموضوع ... كما رفض كلا من رئيس منطقة الاسماعيلية ورئيس نادي الاسماعيلي اشارات علاء
صادق .. وقالا أنه كان علي الدكتور علاء الاتصال بهما لتأكيد معلوماته ... أما صورة الاستغناء
الذي عرضه علاء صادق ..فهي صورة مماثلة للتي حصل عليها الزمالك قبل الختم ... كما أكدا أن
الزمالك قد حصل علي صورة مختومة من النادي ومعتمدة من المنطقة قبل ان تحفظ في ملفات المنطقة

هذا الخبر غير منقول وإنما تابعت بنفسي كلا البرنامجين وسمعت بأذني كل ما قيل من الاطراف المذكورة

من طرف ahmoda الثلاثاء 08 يوليو 2008, 11:25 am

تم بالفعل تسجيل الاعب بمنطقه الجيزه

من طرف htmhm الثلاثاء 08 يوليو 2008, 12:34 pm

كثرة الثرثرة من هنا وهناك لن تجدى ولن تفيد فى شىء

دعونا نرى ما سيحدث خلال الايام القليلة المقبلة

بتتخانقوا دلوقتى على هانى سعيد

ما هو رجع من اوروبا ومش كان لاقى نادى وفى الاخر راح

المـــــــــــــــــــــــــــــــــــــــــــــــــــــصرى البورسعيـــــــــــــــــــــــــــــــــــــــــــــــــــــــــدى

ومنها لنادى الكفاح

الاسماعيــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــلى

ودلوقتى جة طرفى القمة المصرية الموقرين يعملوا مشكلة

وتلاقى زملكازى يقول لك لالالالالالالالالالالالا

الاهلى هو اللى عمل المشكلة دة هانى من حقنا

ويرد الاهلاوى لالالالالالالالالالالالالالالالالالا

هانى اختار انتوا هتتمحكوا فية

ونفضل نتكلم ونتخانق

والاسماعيلى يقبض

وهانى يختار اللى هو عاوزة

ويقبـــــــــــــــــــــــــــــــض

واحنا يتحرق دمنا عشان احنا لسة بنتعامل بمبدء شراء العبيد

يا نهار ابيض

دة لما انتر ميلان حب يتعاقد مع دروجبا (عارفين يعنى اية دروجبا) مش اتفاوض معاة كدة

لالالالالالالالالالالالالالالالالالالالا

طلب من تشلسى. وتشلسى اعطى الانتر الضوء الاخضر للاتفاق مع اللاعب

ولما ادرا برشلونة الحصول على خدمات اللاعب وعلم بمفاوضات الانتر مع اللاعب

انسحب برشلونة ليفسح المجال امام انتر فى الاتفاق مع اللاعب

طبعا انتوا عارفين مين انتر بطل الدورى الايطالى

وبرشلونة زعيم اندية اوروبا

ودروجبا افضل مهاجم فى العالم

انما دة لو عندنا

يقوم نادى سين يبعت فرقة صعقة اما بوابة نادى صاد
واول ما الللاعب يظهر هناك يخطفوة

وبقرشين زيادة يغروة فيقول اللاعب

والله انضمامى لنادى سين حلم تاخر كثيرا
وانا عائلتى كلها بتشجع هذا النادى
ولاصحة لمفاوضاتى مع نادى صاد
والجنون فقط يدفعنى لانضمامى الى هذا النادى

وعجبى

وعلى فكرة هانى مش اخر واحد

الجايات اكتر من

الرايحــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــات

من طرف ahmoda الثلاثاء 08 يوليو 2008, 12:40 pm

الله ينور عليك يا حسن
الموضوع ذاد عن حد بطريقه تنرفز
علشان كده انا دائما بقول وداعا زمن الكوره الجميله واللعب من اجل اسعاد الجماهير وتحقيق رغبات دفينه
الموضوع دجلوقتي اصبح لا يتعدي المصلحه الذاتيه فقط للاعبين
حسبنا الله ونعم الوكيل في اشخاص كان حبنا لهم حبا صادقا في الله

من طرف **mezo2010** الثلاثاء 08 يوليو 2008, 3:17 pm

.
يا جماعه
الناس كلها مشغوله بالموضوع ده وعلى فكره يا احمد باشا يا حموده
هو العمل في صمت مش نصب

لان هاني لم يوقع على اى عقود مع الاهلى اذا الاهلى ليس طرف

ولما تكون في الزمالك ادارة محترفه اكيد
هيعرف ازى يتصرفوا مع مثل هذه الامور

من طرف **gaser11** الثلاثاء 08 يوليو 2008, 4:58 pm

اكتر حاجه مستفزه هى كلمه اداره محترفه
مع الاعتذار للاستاذ ميزو
وهل تعنى الاداراه المحترفه انه يجب عليك التعاقد مع لاعبين انت مش محتاجهم وياريت نرجع بالزمن
شويه
قبل سفر فريق الاهلى لمعسكره في المانيا خرج علينا عدلى القيعى واكد ان الاهلى اغلق باب التفاوض
مع كل اللاعبين وان الفريق تم تدعيمه بأحتياجاته ولسنا في حاجه للاعبين اخرين
وفجأه ومن غير مقدمات اصبح الاهلى في امس الحاجه لحسين علي وطبعا ده بعد ما فاوضه الزمالك
واخيرا لم يكن مسئولى الاهلى على علم بأن هناك لاعب اسمه هانى سعيد الا لما الزمالك فاوضه
يا جماعه كفايه وحرام الاحتقان زاد بطريقه تهدد بوقوع كارثه سيندم عليها الجميع
وكله بسبب فلوس الاعلانات والحدق يفهم
والاداره المحترفه هى الاداره اللى تحترم الاخرين وليس الادعاء فقط تحت مسمى المبادئ والقيم

من طرف **sameh ahmed** الأربعاء 09 يوليو 2008, 2:36 am

يا جماعة نتفق
إما احتراف أو لا
هناك قوانين
ولوائح
لابد من الإلمام بها أولاً
ثم نقوم بالتطبيق

أما بالنسبة لفكرة إدارة محترفة
فأتمنى أن يخبرنى أى شخص
من المسئول عن التعاقدات فى الزمالك ؟

أعتقد كل شخص سواء أكان عضو مجلس
أو مجرد عضو فى النادى

أما فى الأهلى فهناك بالفعل إدارة حقيقية
تتكون من
طارق السعيد ثم هادى خشبة
ثم عدلى القيعى
تحت إشراف محمود الخطيب
ووكالة حسن حمدى للإعلانات
وكل شىء يتم ترتيبه فى هدوء قاتل

وليست فكرة التصوير مع كل لاعب يتم التفاوض معه
لإثبات أن العضو / ........ هو الذى نجح فى التعاقد مع اللاعب
الفلانى أو العلانى
وهكذا ....... إلخ

لعنة الزمالك أبنائه
الذين يعشقون أنفسهم أكثر من النادى

من طرف **karemo elsokkary** الأربعاء 09 يوليو 2008, 4:03 am

النادى الاهلى اعلن ان غلق باب التفاوض مع لاعبين
لكن الاهلى محتاج فعلالهانى سعيد وهانى سعيد وقع للزمالك علشان خاطر النادى الاسماعيلى مش بيتعامل مع الاهلى فوقع للزمالك
اما حسين على فكان الاهلى فى بداية الامر طلب من بتروجيت ضم وليد سليمان وحسين على لما نادى بتروجيت رفض التفريط فيهم الاهلى انسحب من الصفقة وبعدين هى دى رغبة حسين على ان يروح الاهلى مش زنب الاهلى بقى

من طرف **karemo elsokkary** الأربعاء 09 يوليو 2008, 4:07 am

وبعدين حضرتك ياستاذ جاسر بتقول ان الاهلى بيجيب لعيبة وهو مش محتاجها
طيب هانى سعيد الزمالك محتاجة فى اية ماهو عندوا محمود فتح الله ..واحمد مجدى...وعمرو عادل....يعنى تلاتة فى نفس مركز هانى سعيد
وكمان اجوجو...الزمالك جابة مع ان عندة مهاجمين كتير وكويسين جداامثال
مصطفى جعفر ...وشريف اشرف...وعبدالحليم على وجمال حمزة وشيكابلا وعمرو زكى انت محتاج اجوجولية
ولة هو حلال للزمالك وحرام على الاهلى

من طرف ahmoda الأربعاء 09 يوليو 2008, 9:27 am

اللعيبه دي بتلعب في الزمالك فعلا يا كابتن كاكا
مش بنرميهم علي الدكه لغايه ميعفنوا تحت مسمي عدم جهازيتهم
طب ماهو الطبيعي انهم مش هيكونوا جاهزين
ده ممكن يعدي موسم كامل ميلعبوش ماتش رسمي
وكمان احنا هنا بنتكلم عن شعار ناديكم (نادي المبادئ والقيم)
يعني بالبلدي كده بيقولوا متبصش للي في يد زميلك
بس بجد انا فرحان فعلا ان طريقة الاهلي ظهرت علشان
جمهوره يعرفوا ان مرتضي منصور هو اللي ينفع

من طرف **karemo elsokkary** الأربعاء 09 يوليو 2008, 12:17 pm

طيب حضرتك زى مابتقول ان الاهلى بيرميهم على الدكة مش بيلعبوا هاتللى لعيب غير محمد عبدالله لانة هو اتظلم مخدش فرصتة كل اللعيبة اللى جت الاهلى لعبت وخدت فرصتها

من طرف ahmoda الأربعاء 09 يوليو 2008, 12:42 pm

انتا بتسمي انهم يلعبوا ماتش ولا اتنين اما تكون اللعيبه الاساسيه في المنتخب دي فرصه
ايه يا باشا شكلك مش مركز خالص
لعيب كره القدم اما بيتغير في ماتش بتسوء حالته النفسيه لدرجه انه ممكن يعبر عن ذلك وهو خارج من الملعب
مابالك بقه اما يقعد كام شهر علي الدكه رايك هتكون حالته النفسيه شكلها ايه

من طرف **santos** الأربعاء 09 يوليو 2008, 4:58 pm

جامد الكلام ده أوووووووووووووووووى

من طرف **karemo elsokkary** الأربعاء 09 يوليو 2008, 5:07 pm

انا قولت حضرتك ادينى اسماء لاعيبة وانا ارد عليك

من طرف ahmoda الأربعاء 09 يوليو 2008, 5:40 pm

بسم الله الرحمن الرحيم
انا هقول الاسماء اللي انا فاكرها بس
وشوف ايه رائك في مستواهم في انديتهم وفي الاهلي

رضا الويشي
طارق السعيد
محمد صديق
اسلام الشاطر
احمد بلال
حسن مصطفي
احمد شديد قناوي
وياريت يا جماعه تكملوا انتم

من طرف ahmoda الأربعاء 09 يوليو 2008, 5:41 pm

معلش نسيت معتز اينو

من طرف **karemo elsokkary** الأربعاء 09 يوليو 2008, 11:11 pm

انت بتقول ان محمد صديق
وحسن مصطفى وطارق السعيد واسلام الشاطر واحمد بلال واحمد شديد ملعبوش امال مين اللى كان بيلعب بصراحة انا مش عارف اقولك اية

من طرف **karemo elsokkary** الأربعاء 09 يوليو 2008, 11:12 pm

وكمان رضا الويشى مخدش فرصة يارااااااااااااااجل

من طرف ahmoda الخميس 10 يوليو 2008, 12:40 am

لا دي غلطه من عندي
لا موخده
رضا الويشي لعبله يجي خمس ماتشات في الكاس
اللي انتوا طلعتوا فيه من دور ال32

من طرف **mohammed** الخميس 10 يوليو 2008, 8:20 am

يا جماعة انتم بتتكلموا في ايه ؟
حرام عليكم تضيعوا وقت في ذكر اللاعبين دول
مفيش لاعب في مصر يستاهل يندفع فيه خمسمائة جنية على بعض
الاهلي عاوز ده
الزمالك عاوز ده
وفي الاخر تلاقي اللاعب كان ناشئ في النادي وفرط فيه ببلاش
هاني سعيد كان ناشئ في الاهلي
والعجيزي كان ناشئ في الزمالك
وجمال عبد الحميد كان بيلعب في الاهلى
والموضوع ده حصل قبل كدة كتير
وبيحصل وهيحصل على طول
بلاش نكبر الموضوع لان ده هيضر اكتر ما يفيد
وعلى العموم الايام هي اللي هتثبت مين الصح ومين الغلط
وكل اللي علينا نتفرج وبس
واهو حاجة مسلية في الحر ده

القيعي جامد اوي

القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي

رد: القيعي جامد اوي