كتكوت دملو مطبوعا

اوافق على هذا الراي
وانا حاولت اكثر من مرة اني اعمل حاجة زي كدة بس للاسف ما لقيتش حماس كفاية

إذا أنت المنوط بذلك الأمر
يا شاعر دملو
انتظر الردود لذلك الموضوع وتأهب
لأن المووضع عايز موافقات وجهات والذى منه
وسأوافيك بالمطلوب

انا موافق يا هندسة وادعيلي ربنا يعيني
وخليك معايا دايما بالتوجيهات ارجوك

اعتقد 15الى 20كتير
ياريت نلخص عشان فية ناس بتمل من القراءة
فيلريت نضغط المواضيع مع احترامى للفكرة

اني بكوني عمده للديوك الموجوده بالموقع اعلن موافقتي المبدئيه علي الموضوع سالف الذكر
كذلك قد قررنا اسناد هذا الموضوع الي الشاعر بكونه من طبيعه عمله
والله الموفق
الله........... الوطن .............الشعب
والسلام عليكم ورحمه الله

سأشترك فى التمويل بنسبة كبيرة
عدد الطبعات شهريا
150 نسخة
الصفحات من 15 الى 20 صفحة
ودى ياعم سمير تيقى زى المذكرة كده مش صفحات جرايد
ودى شهرية كمان

بس فيه مشكلة صغيرة انا اعرف اننا لازم نطلع تصريح ومش عارف هتطلع منين التصاريح دي

فكره هيله ننتظر المزيد منكم
الحماس يريت

ياريت الفكرة دى تتنفذ

انا عندي رأي
احنا ليه ما نستفيدش من النشاط الثقافي في مركز شباب دملو
في اصدار ما نريده
وبكده نضرب عصفورين بحجر واحد
التصاريح وكمان التمويل
واعتقد ان مجلس الاداره هيوافق
علي الاقل هانعملهم نشاط

ايي على كتفك يا هندسة
بس مش متاكد انهم هيوافقوا

حاضر يا هندسة
دعواتك بس ربنا يتم الموضوع على خير
يعني انت موافق نعرض الموضوع على مجلس الادارة

فكرة جميلة ودى تبقى نافذة للموقع للناس اللى ما عندها كمبيوتر وممكن نعمل صندوق فى مركز الشباب يضعوا فية اقتراحاتهم ونضعها على الموقع باسمائهم

لكى نتكلم بشكل ادق
ندخل فى كيفية شكل الملفات
ومضمونها
نتكلم عمليا أكثر
مثلا المطلوب فى الردود
أن تحدد عناوين ال 20 صفحة
وبعدين نتكلم فى التفاصيل

يا جماعه نحدد مسئولين عن تنفيذ كل فكره علشان ما نبقاش بنتكلم في الفاضي

اتطوع لأكون أحد المسؤلين
والذين يتطوعون يتشاركون الافكار على الخاص
لكى تكون النتيجة مفاجئة سارة
لأعضاء المنتدى

يا شباب نمشى خطوة خطوة اولا نبدأ فى الاجراءات القانونية الاول وبعدين نبدأ الخطوة اللى بعد كدة ونكلف واحد بمهمة الانتهاء من هذة الاجراءات

طريق الالف ميل يبدأ بخطوة

يا جماعة انا مستعد اشارك في المطبوع ده
بس لازم نحدد الاختصاصات
واقترح ان ده يتم من خلال الريس
يعني مش هينفع واحد يقوم بكل العمل لوحده

يا شاعر من الاخر الموضوع على اكتافك انت
ومسؤليتك مسؤلية مباشرة
واتصل بالرئيس

انا معاك يا باش مهندس الموضوع دة نكلف بية الشاعر والرئيس واحنا معاهم

والله يا جماعة انا مش فاضي خالص بس انا هتصل بالريس
وربنا يعمل اللي فييه الخير

الفكرة رائعة ...وأنا مستعد للمشاركة بكافة أشكالها سواء في التمويل أو الموافقات أو حتي الطباعة والتحرير والإخراج الفني
وأعتقد إن البداية لازم بتكوين فريق العمل وتحديد الأهداف وخطة التنفيذ

هو النشاط قائم بالفعل في مركز الشباب واظن يا بشمهندس اخر تفعيل للمشروع كان هناك مجلات للحائط تنشر اسبوعيا بمركز الشباب وكنت انت وانا من المشاركين فيه فهو محتاج فقط للدعم من المركز ومساهمه من السادة الأعضاء بالمنتدي

لما تأخرت فكرة المطبوع فى الإعداد ونظرا للوقت الذى يحتاجه الإعداد الجيد
اقترح على حضراتكم أن نسير فى خطين متوازيين
بمعنى أن يسير الشاعرر وأعوانه فى طريقهم للإعداد الجيد
وأن نسير نحن أيضا فى نفس الإتجاه فنتيح لهم حسن الإختيار
يعنى ايــــــــــــــــــــــــــــــــــــــــــــــه من الأخر
نفتح بابا للمطبوع على الموقع
ويسمى مجلة كتكوت دملو مثلا أو مجلة كتكوت
ونضع فيه ما نريده أن يطبع
فاقترحوا الأبواب والمواضيع
وطبعا بحكم إن أنا راجل ديكتاتور قوى
سأضع بابا اسمه بقلم حاتم أبوالعزم
ابقى اعترض بقى يامختار